Nagtala ang Ministry of Public Health (MoPH) ngayong araw ng 164 na bagong kaso ng coronavirus (COVID-19) at 201 na bilang ng mga taong naka-recover sa virus sa loob ng bente kuwatro oras. Bahagyang bumaba ang bilang ng mga kaso kumpara sa mga nakalipas na araw. Sa kasalukuyan, mayroon na ring 129,784 na recovered cases sa Qatar.
Mula sa 164 na bagong kaso, 135 sa mga Ito ay community cases at 29 naman ay mga taong bumalik ng Qatar galing sa ibang bansa. Samantala, sa kabuuang bilang mayroon ng 232 na mga tao ang namatay sa coronavirus.
Dahil sa pangyayari, ang lahat ng naitalang bagong kaso ay inilagay na sa isolation area at inaasikaso na depende sa kanilang pangangailangan pang-medical.
Ayon pa sa MoPH, 3,481 katao ang kanilang tinest uli sa virus sa unang pagkakaton sa loob lamang ng bente kuwatro oras na dumagdag sa 979,011 tests sa kabuuang bilang ng mga sumailalim dito sa buong Qatar.
Opmerkingen